Kryeministri Edi Rama reagoi pas shpalljes së pretencës së Prokurorisë së Gjykatës Speciale në Hagë, e cila kërkoi gjithsej 180 vite burg për ish-krerët e UÇK-së Hashim Thaçi, Kadri Veseli, Jakup Krasniqi dhe Rexhep Selimi.
Rama u shpreh se nuk arrin të gjejë “fillin logjik” të arsyetimit të Prokurorisë për një kërkesë kaq të rëndë, duke thënë se i duhet kohë për ta përtypur atë që u paraqit sot “në zemër të Europës demokratike”.
Pretenca shënon një nga momentet kyçe të procesit gjyqësor ndaj ish-liderëve të UÇK-së, të cilët kanë deklaruar vazhdimisht pafajësinë e tyre.
