Kuvendi miratoi sot një rezolutë që e shpall Iranin shtet sponsor të terrorizmit dhe Gardën Revolucionare organizatë terroriste.
Votimi u zhvillua pa praninë e opozitës. Deputetët e Partisë Demokratike munguan në seancë.
Kreu i grupit socialist, Taulant Balla, tha se vendimi lidhet me sigurinë ndërkombëtare dhe luftën kundër terrorizmit.
Ai theksoi se Shqipëria është në krah të aleatëve dhe ka detyrime si anëtare e NATO-s dhe vend kandidat për në Bashkimin Evropian.
Balla përmendi edhe sulmet kibernetike ndaj institucioneve shqiptare, duke i cilësuar si akte armiqësore.
Sipas tij, rezoluta synon të dënojë mbështetjen shtetërore për terrorizmin dhe përdorimin e mjeteve hibride.
Vendimi shënon një qëndrim më të fortë në politikën e jashtme dhe në sigurinë kombëtare.
Rreth autorit
