Partia Demokratike dhe aleatët e saj zhvilluan sot protestën e gjashtë kombëtare para Kryeministrisë.
Tubimi u shoqërua me tensione. Protestuesit hodhën molotovë dhe fishekzjarre drejt institucioneve, ndërsa policia përdori ujë dhe gaz lotsjellës për shpërndarjen e turmës.
Më pas, protestuesit u zhvendosën drejt qendrës së Tiranës, ku pati përplasje të tjera pranë Ministrisë së Brendshme dhe institucioneve të tjera.
Policia u bëri thirrje qytetarëve të shmangin dhunën dhe të ruajnë qetësinë.
Opozita kërkon largimin e qeverisë dhe krijimin e një qeverie teknike për zgjedhje të lira.
Situata mbetet e tensionuar, ndërsa forcat e rendit vijojnë të jenë të pranishme në terren.
