Tubimi nis në 19:00, policia paralajmëron kufizime të qarkullimit.
Partia Demokratike mban sot protestë në bulevardin “Dëshmorët e Kombit”, përpara Kryeministrisë.
Tubimi nis në orën 19:00 dhe pritet të zgjasë deri në 22:00.
Kreu i PD-së, Sali Berisha, pritet t’u drejtohet mbështetësve me fjalim nga podiumi.
Protesta rikthen formatin me fjalime në shesh, ndryshe nga tubimet e mëparshme në lëvizje.
Policia e Tiranës tha se ka marrë masa për mbarëvajtjen dhe u ka kërkuar organizatorëve të shmangin çdo incident.
Për shkak të tubimit, disa akse kryesore do të bllokohen nga pasditja deri në përfundim të protestës.
