Ish-deputeti demokrat Ervin Salianji tha se Sali Berisha nuk ka të drejtë të rikandidojë për kreun e Partisë Demokratike pas humbjes në zgjedhjet e 11 majit.
Ai iu referua statutit të partisë, të njohur si “neni Basha”, që parashikon dorëheqjen e kryetarit pas një humbjeje dhe ndalon rikandidimin.
Salianji tha se nga pikëpamja statutore, Berisha nuk është më kryetar pas shpalljes së rezultatit.
Ai shtoi se një padi në Gjykatën e Tiranës do ta zgjidhte çështjen ligjërisht, por tha se nuk dëshiron ta çojë partinë në gjykatë.
Sipas tij, një përplasje e tillë do t’i jepte avantazh politik kryeministrit Edi Rama.
Salianji tha se zgjidhja duhet të vijë përmes një procesi politik brenda Partisë Demokratike.
Rreth autorit
