Partia Demokratike do të zhvillojë sot në orën 19:00 protestën para Kryeministrisë, ndërsa Policia ka njoftuar bllokime të përkohshme në disa rrugë kryesore të Tiranës.
Tubimi do të mbahet në bulevardin “Dëshmorët e Kombit”, para godinës së Këshillit të Ministrave.
Sipas Policisë së Shtetit, masat janë marrë për garantimin e sigurisë publike dhe mbarëvajtjen e protestës.
Bllokimet kanë nisur nga ora 23:45 e 7 majit në bulevardin “Dëshmorët e Kombit”, nga Ura e Dajtit deri te rruga “Ismail Qemali”. Në këtë segment nuk lejohet as parkimi i automjeteve.
Nga ora 15:00 e 8 majit deri në përfundim të protestës, do të bllokohet edhe qarkullimi nga kryqëzimi pranë Ministrisë së Brendshme deri te Sheshi “Nënë Tereza”.
Kufizime do të ketë edhe në rrugët “Ukraina e Lirë”, “Papa Gjon Pali II” dhe “Ismail Qemali”.
Policia u ka bërë thirrje drejtuesve të mjeteve të shmangin zonën përreth Kryeministrisë dhe të përdorin rrugë alternative deri në përfundim të tubimit.
Rreth autorit
