Federata Shqiptare e Futbollit ka vendosur të mos rinovojë kontratën me trajnerin e Kombëtares, Sylvinho.
Kontrata e trajnerit brazilian ka përfunduar dhe palët nuk kanë arritur marrëveshje për vazhdimin e bashkëpunimit.
Largimi pritet të zyrtarizohet sot në një konferencë për shtyp të FSHF-së, ku pritet të jepen edhe detaje për trajnerin e ardhshëm të Shqipërisë.
Sipas raportimeve, kandidati kryesor për stolin kuqezi është një trajner italian.
Sylvinho mori drejtimin e Shqipërisë në vitin 2023 dhe arriti ta kualifikonte Kombëtaren në Europian, pas një fushate të fortë në eliminatore.
Bashkë me të pritet të largohen edhe ndihmësit Doriva dhe Pablo Zabaleta.
Rreth autorit
