Kryeministri Edi Rama refuzoi kërkesat e protestuesve për dorëheqjen e qeverisë dhe tha se protesta nuk do të dobësojë mazhorancën.
Në një postim në rrjetet sociale, Rama iu përgjigj pesë kërkesave të paraqitura nga organizatorët e protestës së mbajtur të hënën në Tiranë.
Protestuesit kërkuan dorëheqjen e kryeministrit, krijimin e një qeverie teknike dhe ndryshime kushtetuese e ligjore.
Ata kërkuan gjithashtu anulimin e ndryshimeve për zonat e mbrojtura, trashëgiminë kulturore, “Paktin e Maleve” dhe investimet strategjike.
Rama akuzoi një nga folësit e protestës, Dritan Goxhaj, se përfaqëson interesa të Iranit.
Ai tha se protesta po konfirmon paralajmërimet e tij të mëparshme për ndikime të huaja në lëvizje.
Kryeministri tha se Partia Socialiste do të dalë më e fortë nga kjo situatë dhe se qeverisja do të përmirësohet.
Protestuesit kanë qëndruar prej 23 ditësh para Kryeministrisë, duke kërkuar dorëheqjen e Ramës.
Rreth autorit
