Kryeministri Edi Rama mohoi se shprehja “fuck you”, e përdorur në një intervistë për Financial Times, ishte drejtuar ndaj qytetarëve shqiptarë.
Në një video të publikuar në rrjetet sociale, Rama tha se fjala ishte përgjigje ndaj atyre që e akuzojnë prej vitesh personalisht, jo ndaj popullit shqiptar.
Reagimi erdhi pas një videoje të një protestuesi, i cili e akuzonte kryeministrin se kishte fyer shqiptarët.
Rama tha se gazetari e kishte pyetur si u përgjigjej akuzave se ai ishte “kumbari i qeverisë”.
Sipas tij, përgjigjja ishte drejtuar ndaj atyre që e akuzojnë pa prova.
Kryeministri komentoi edhe deklaratat e protestuesit për vdekjen e babait të tij, duke thënë se ishte interesuar për rastin para se të reagonte.
Ai tha se babai i protestuesit nuk ishte trajtuar në spitale publike në Shqipëri, por fillimisht në një spital privat dhe më pas jashtë vendit.
Rama hodhi poshtë akuzat për gjendjen e sistemit shëndetësor, duke thënë se shëndetësia ka ndryshuar shumë në dekadën e fundit, por pranoi se mbeten ende probleme.
Ai mohoi gjithashtu se ka publikuar materiale private të protestuesve, duke thënë se ka përdorur vetëm materiale të bëra publike prej tyre.
Rama mohoi edhe pretendimet se familja e tij ka përdorur fonde publike për udhëtime personale.
Në fund, kryeministri tha se nuk i ngatërron qytetarët që protestojnë për shqetësime reale me personat që, sipas tij, përdorin protestën për qëllime politike.
About the Author
