Shpërthimi ndodhi ndërsa një automjet po furnizohej me gaz; tre të plagosurit janë jashtë rrezikut për jetën.
Një bombul gazi shpërtheu mëngjesin e së mërkurës në një pikë karburanti në zonën e Brrylit, në Tiranë, duke plagosur tre punonjës.
Sipas Policisë, shpërthimi ndodhi ndërsa një automjet po furnizohej me gaz. Tre punonjësit u dërguan në Spitalin e Traumës dhe ndodhen në gjendje të stabilizuar.
Shpërthimi shkaktoi dëme të mëdha në pikën e karburantit dhe shembjen e pjesshme të një godine njëkatëshe pranë saj.
Policia po heton shkakun dhe rrethanat e ngjarjes.
About the Author
