PRISHTINË, 29 tetor – Mijëra qytetarë marshuan të mërkurën në Prishtinë, duke kërkuar shkarkimin e dy ministrave dhe ndjekjen penale të zyrtarëve që dyshohet se nuk vepruan pas denoncimeve të Arlinda Zekajt.
Protesta u mbajt tri ditë pas vrasjes së 49-vjeçares në Vitomiricë të Pejës.
Marshimi nisi në sheshin “Zahir Pajaziti” dhe vijoi drejt Ministrisë së Drejtësisë, institucioneve të drejtësisë, Policisë dhe Qeverisë.
Organizatorët kërkuan largimin e ministres së Drejtësisë, Donika Gërvalla, dhe ministrit të Brendshëm, Xhelal Sveçla.
Ata kërkuan gjithashtu hetimin e prokurorëve, gjyqtarëve dhe zyrtarëve të tjerë që kishin trajtuar ankesat e viktimës.
Zekaj kishte denoncuar dhunë dhe kërcënime. Tri ditë para vrasjes, ajo i kishte shkruar Prokurorisë së Pejës për rrezikun që i kanosej.
Gjykata i caktoi të mërkurën një muaj paraburgim Albert Sylajt, të dyshuarit për vrasjen.
Organizatorët kanë paralajmëruar vazhdimin e protestave deri në plotësimin e kërkesave.
Rreth autorit
