PRISHTINË, 10 nëntor – Komuna e Prishtinës ka shtyrë deri më 31 janar 2027 zbatimin e kontratave të reja për mësimdhënësit, pas kundërshtimit të sindikatës së arsimit.
Kontratat parashikojnë, ndër të tjera, një javë pune prej 40 orësh. Drejtoria komunale e Arsimit ka sqaruar se ky përcaktim nuk nënkupton zgjatje të orarit të mësimit.
Sindikata SBASHK kërkon që ndryshimet të diskutohen në nivel vendi, në mënyrë që mësuesit të mos kenë kontrata të ndryshme nga një komunë në tjetrën.
Kryetari i sindikatës, Rrahman Jasharaj, u bëri thirrje mësimdhënësve të mos i nënshkruajnë dokumentet e reja.
Palët do të zhvillojnë konsultime me Ministrinë e Arsimit për të gjetur një zgjidhje të përbashkët.
Rreth autorit
