ELBASAN, 5 nëntor – Dy persona kanë humbur jetën nga shpërthimi i së mërkurës në një pallat në Elbasan. Trupi i viktimës së dytë u gjet mëngjesin e sotëm, pas kërkimeve gjatë gjithë natës.
Hamit Ibro, 69 vjeç, u nxor nga rrënojat nga ekipet e kërkim-shpëtimit. Më herët kishte humbur jetën edhe një grua 82-vjeçare.
Shpërthimi shembi mure dhe shkallë të pallatit në lagjen “Beqir Dardha”. Dhjetë persona të tjerë morën ndihmë mjekësore për asfiksi dhe janë jashtë rrezikut për jetën.
Godina është shpallur e pabanueshme dhe banorët janë evakuuar.
Shkaku i shpërthimit ende nuk është përcaktuar. Dyshimet paraprake janë për një bombol gazi.
Rreth autorit
