Policia e Fierit ndaloi një 35-vjeçar, E. Sh., i dyshuar si organizatori kryesor për zonën e Divjakës i platformës mashtruese online “XUEX”, në kuadër të operacionit me të njëjtin emër.
Drejtoria e Hetimit të Krimit Kibernetik, në bashkëpunim me Policinë e Fierit dhe Prokurorinë e Fierit, thotë se më herët në këtë operacion janë arrestuar 6 persona dhe, me urdhër të Gjykatës së Fierit, janë ushtruar 83 kontrolle ndaj personave, banesave dhe subjekteve.
Sipas Policisë, “XUEX” funksiononte me model klasik piramidal: investuesit udhëzoheshin të rekrutonin të paktën pesë të tjerë për të rritur përfitimet; sa më i madh rekrutimi dhe investimi, aq më shumë të ardhura premtoheshin.
Policia u bën thirrje qytetarëve të mos japin të dhëna personale e bankare në faqe/aplikacione të pasigurta dhe të raportojnë çdo rast të dyshimtë pranë strukturave të krimit kibernetik dhe seksioneve përkatëse në çdo DVP.
Rreth autorit
