Pas përfundimit të protestës së sotme, kryetari i Partisë Demokratike, Sali Berisha, falënderoi mbështetësit dhe deklaroi nga selia e PD-së se aksioni opozitar “do të vazhdojë deri në largimin e Edi Ramës”. Ai tha se protesta nuk synon më vetëm çështjet e brendshme të PD-së, por “shpëtimin e demokracisë dhe institucioneve”.
Berisha njoftoi se protesta do të zhvendoset në tre drejtime: para Kryeministrisë, në Parlament dhe në zonën e Surrelit, të cilat ai i përshkroi si pika simbolike të përballjes politike.
Kreu i PD-së përsëriti se opozita do të vijojë protestat pa ndërprerje dhe e cilësoi betejën “vendimtare për të ardhmen politike të vendit”.
Rreth autorit
