Kuvendi mblidhet sot në seancë plenare me disa interpelanca dhe projektligje në rend dite.
Opozita ka kërkuar interpelanca me ministrin e Mbrojtjes, Ermal Nufi, dhe ministren e Arsimit, Mirela Kumbaro.
Ministrja e Shëndetësisë, Evis Sala, do të përballet me tre interpelanca të veçanta nga deputetë të opozitës.
Interpelancë është kërkuar edhe me ministrin e Bujqësisë, Andis Salla, ndërsa ministri i Financave, Petrit Malaj, do t’u përgjigjet pyetjeve të deputetes Jorida Tabaku.
Pas interpelancave, deputetët pritet të shqyrtojnë disa projektligje.
Mes tyre janë nisma për shërbimet, për krijimin e një agjencie në arsim dhe për etiketimin e produkteve që lidhen me energjinë.
Në rend dite janë edhe ndryshime në ligjet për taksat dhe për Gardën e Republikës.
Rreth autorit
