Rreth 30 apartamente u dëmtuan, 11 persona u trajtuan në spital.
Policia ka shpallur në kërkim ndërtuesin e kompleksit “Arlis”, pranë QSUT-së, shtetasin me inicialet A.L., lidhur me zjarrin e një dite më parë.
Është arrestuar menaxherja e marketit ku dyshohet se nisi zjarri. Katër persona të tjerë janë ndaluar për verifikime.
Nga zjarri u dëmtuan rreth 30 apartamente. Njëmbëdhjetë persona u dërguan në spital me djegie të lehta dhe asfiksi nga tymi. Ata janë jashtë rrezikut.
Zjarri ra pasditen e 14 prillit. Ndërhyrja e zjarrfikësve dhe forcave të tjera shmangu humbje jete.
Kryeministri Edi Rama tha se ndërtesa do të rindërtohet nga ndërtuesi.
Hetimet vijojnë.
Rreth autorit
