Kryeministri Edi Rama tha se Shqipëria dhe Greqia po punojnë për të zgjidhur çështjet e mbetura dhe për të arritur një marrëveshje të re partneriteti strategjik.
Deklarata u bë pas takimit me kryeministrin grek Kyriakos Mitsotakis, në kuadër të Forumit Ekonomik të Delphit.
Rama tha se komunikimi mes dy vendeve ka vijuar edhe në momentet më të vështira dhe synon ngritjen e marrëdhënieve në një nivel të ri.
Takimi vjen në një kohë kur Tirana dhe Athina përpiqen të mbyllin çështje të hapura, përfshirë kufirin detar.
Rama ndodhet në Greqi për të marrë pjesë në forumin ndërkombëtar, ku po zhvillon edhe takime të tjera dypalëshe.
