Shqipëria dhe Bashkimi Evropian mbajnë sot në Bruksel Konferencën e 8-të Ndërqeveritare, një takim që pritet të përcaktojë hapat e radhës për grupkapitullin “Themeloret”.
Konferenca pritet të nisë në orën 19:30 dhe delegacioni shqiptar do të drejtohet nga kryeministri Edi Rama.
Takimi vjen pas vlerësimit se Shqipëria ka përmbushur objektivat e ndërmjetme për grupkapitullin “Themeloret”, një nga pjesët më të rëndësishme të negociatave me BE-në.
Në fokus do të jenë Kapitulli 23, që lidhet me gjyqësorin dhe të drejtat themelore, dhe Kapitulli 24, që përfshin drejtësinë, lirinë dhe sigurinë.
Diskutimet do të prekin edhe funksionimin e institucioneve demokratike, reformën në administratën publike dhe kriteret ekonomike.
Konferenca pason hapjen e të gjithë grupkapitujve negociues mes Shqipërisë dhe BE-së, përfshirë “Tregun e Brendshëm”, “Agjendën e Gjelbër”, “Burimet, Bujqësinë dhe Kohezionin” dhe “Marrëdhëniet e Jashtme”.
Takimi i sotëm shihet si një hap i rëndësishëm për ritmin e mëtejshëm të negociatave të anëtarësimit.
About the Author
