Policia e Tiranës arrestoi 19 persona dhe procedoi penalisht 12 të tjerë pas përplasjeve gjatë protestës së një dite më parë para Parlamentit.
Sipas policisë, të arrestuarit dyshohet se kundërshtuan dhe goditën me sende të forta efektivët e rendit.
Ata akuzohen gjithashtu për dëmtimin e një automjeti policie dhe për sulme ndaj deputetëve gjatë tubimit.
Policia tha se po punon për identifikimin e gjashtë personave të tjerë, të dokumentuar me pamje filmike gjatë veprimeve të dhunshme.
Mes të arrestuarve është edhe një 35-vjeçar me inicialet A. Ll., i dyshuar se ka goditur një gazetar gjatë protestës.
Gjatë përplasjeve mbetën të lënduar 15 punonjës të Policisë së Shtetit.
Materialet i janë referuar Prokurorisë së Tiranës për disa vepra penale, përfshirë shkatërrimin e pronës, kundërshtimin e policisë, goditjen për shkak të detyrës, prishjen e rendit publik dhe pjesëmarrjen në grumbullime të paligjshme.
About the Author
