Kuvendi mblidhet sot në orën 10:00 në seancë plenare, ku në rend dite janë një interpelancë për sezonin turistik, pyetje për policinë e burgjeve dhe disa projektligje.
Ministri i Turizmit, Kulturës dhe Sportit, Blendi Gonxhja, do të jetë në interpelancë me deputeten Ina Zhupa për masat e marra për sezonin e ri turistik.
Në seancë do të zhvillohet edhe një pyetje-përgjigje me ministrin e Drejtësisë, Toni Gogu, e kërkuar nga deputeti Klevis Balliu, për situatën e punonjësve të policisë së burgjeve.
Deputetët do të shqyrtojnë gjithashtu projektrezolutën për veprimtarinë e Komisionerit për Mbrojtjen nga Diskriminimi për vitin 2025.
Në rend dite është edhe ratifikimi i marrëveshjes së garancisë mes Shqipërisë dhe BERZH-it për projektin e nënstacionit të OSHEE-së në Tiranë.
Kuvendi pritet të shqyrtojë edhe ndryshime në ligjin për organizimin dhe funksionimin e administratës shtetërore.
Një tjetër pikë e rendit të ditës janë ndryshimet në ligjin për Shërbimin Informativ Kombëtar.
Rreth autorit
