TIRANË, 5 nëntor – Çmimi mesatar i energjisë elektrike në bursën shqiptare arriti në 142 euro për megavat-orë (MWh) gjatë tremujorit të tretë të vitit, nga 88.6 euro në tremujorin e mëparshëm.
Të dhënat përfshihen në raportin e Komunitetit të Energjisë, të publikuar më 30 tetor. Raporti paraqet çmimet mesatare të tregut të ditës në vijim (day-ahead).
Sipas metodës standarde të përllogaritjes, kostoja orientuese e karbonit për energjinë elektrike të eksportuar nga Shqipëria drejt BE-së rezulton zero.
Për vendet e tjera të rajonit, kostoja orientuese është më e lartë: 94.5 euro për MWh për Bosnjë-Hercegovinën, 85.7 euro për Serbinë dhe 81 euro për Kosovën.
Shifrat lidhen me tregtimin me shumicë të energjisë dhe nuk përfaqësojnë çmimet që paguajnë familjet.
Rreth autorit
