TIRANË, 12 nëntor – Partia Socialiste ka paralajmëruar se mund t’i miratojë ndryshimet për financimin e partive politike pa mbështetjen e opozitës, nëse nuk arrihet marrëveshje brenda nëntorit.
Kreu i grupit socialist, Taulant Balla, tha të mërkurën se komisioni i reformës zgjedhore ka afat deri më 30 nëntor.
Ai kërkoi që PD-ja të marrë pjesë në proces dhe theksoi se shumica ka votat e nevojshme për ndryshimin e ligjit të financimit të partive.
Kreu i grupit demokrat, Gazment Bardhi, kundërshtoi akuzën për bojkot. Ai tha se opozita kërkon zbatimin e rekomandimeve ndërkombëtare.
Palët nuk bien dakord as për listat zgjedhore. PD-ja kërkon hapjen e tyre, ndërsa PS-ja kundërshton listat plotësisht të hapura për këshillat bashkiakë.
Zgjedhjet vendore janë caktuar për 9 maj 2027.
Rreth autorit
