PRISHTINË, 29 tetor – Gjykata e Apelit pritet të shqyrtojë sot, në orën 11:10, ankesat kundër dënimeve të Naim Murselit, Granit Plavës dhe Kushtrim Kokallës për vrasjen e Liridona Ademajt.
Seanca ishte parashikuar fillimisht për në orën 09:50, por Gjykata e Apelit e zhvendosi orarin. Data, 29 tetori, mbeti e pandryshuar.
Në prill, Gjykata Themelore e Prishtinës dënoi Murselin dhe Plavën me burgim të përjetshëm, ndërsa Kokallën me 30 vjet burg.
Sipas vendimit të shkallës së parë, Murseli organizoi vrasjen e bashkëshortes dhe u mor vesh që t’i paguante Plavës 30 mijë euro për kryerjen e krimit.
Shkalla e parë arriti në përfundimin se krimi lidhej me marrëdhëniet e përkeqësuara familjare dhe synimin për përfitim financiar.
Liridona Ademaj u vra më 29 nëntor 2023.
Apeli do të shqyrtojë kundërshtimet ndaj vendimit të shkallës së parë. Caktimi i seancës nuk nënkupton se një vendim përfundimtar do të shpallet sot.
Rreth autorit
