TIRANË, 12 nëntor – Ulja e propozuar e TVSH-së për ushqimet bazë në 6% po has vështirësi përpara hyrjes së saj në fuqi.
Ministria e Ekonomisë ka nisur konsultimet me supermarketet për përcaktimin e produkteve që do të përfitojnë.
Qeveria synon të hartojë një katalog me rreth 10 mijë artikuj, por tregtarët thonë se klasifikimi është i paqartë.
Sipas tyre, një supermarket mund të ketë deri në 50 mijë kode produktesh. Paqartësi ka edhe për lloje të ndryshme mishi dhe bulmeti.
Paketa fiskale parashikon uljen e TVSH-së për ushqimet bazë nga 20% në 6%, ndërsa norma e përgjithshme propozohet të rritet në 21%.
Ndryshimet synohet të zbatohen nga 1 janari 2027, nëse miratohen.
Rreth autorit
